O proxecto localízase nos terreos baleiros da antiga estación de ferrocarril da cidade de Durango en Mexico, nunha área consolidada con vivenda de baixa densidade. Preténdese definir unha nova centralidade, complementaria co centro histórico, con usos mixtos, tendo en conta as preexistencias (edificios antigos e vialidades centrais xa construídas).
É un proxecto complexo en canto a diversidade de usos urbanos e diversidade de tipoloxías e segmentos de vivenda, organizados segundo un sistema de zonas verdes e espazos libres estruturais amigables co peón. Vertébrase a partir de dous eixos ou corredores verdes principais -a Vialidade Central e o Parque do Benestar e a Saúde- e catro clústers -Turístico/Gastronómico, Cultural, Saúde e Benestar e dos Negocios-, incorporando variedade de actividades económicas catalizadoras ,que se completan con actividades económicas de proximidade dinamizando a vida do barrio, e fomentando a compatibilidade das vivendas preexistentes cunha actividade produtiva profesional.
